Thiruvananthapuram:
Ka KSRTC Budget Tourism Cell ka la pynbna ïa ka bhah da ki jingïaid lynti ba kyrpang na ka bynta ka Sabarimala bad kiwei kiwei ki jaka ba pawnam ha ka aïom Mandala-Makaravilakku.
Na ka bynta ki riewngeit kiba leit jngoh ïa ka Sabarimala, ka jingleit kan sdang na ka jaka ïeng bus KSRTC ha Kollam ha ka dor bai kali kaba long T.490 marwei. Ki jingleit jingwan ki long ha ka 16, 22 bad 29 tarik u Naiwieng.
Ka KSRTC ka la pynbeit ruh ïa ki katto katne ki jingleit jngohkai bad ki jingleit jingwan ha kylleng ka jylla kiba kynthup ïa ki jaka jngohkai pyrthei kum ka Mookambika, Guruvayur, Vagamon, Rosmala bad kiwei kiwei ki jaka ba itynnad.
Ïa ki jingleit sha Vagamon yn pynlong ha ka 30 tarik u Naiwieng, katba ïa ki jingleit jngohkai sha Rosmala yn pynlong ha ka 9 bad 23 tarik u Naiwieng. Ka jingleit sha Illikkal Kallu kan sdang naduh ka por 5 baje mynstep, ha ka dor bai kali kaba long T.820 marwei.
Ka jingleit jngoh ïa ka Pournami Kavu kaba don ha Thiruvananthapuram distrik, kan long ha ka 5 tarik, Naiwieng, ha kaba ka bai kali, kan long T.600 marwei.
Ka jingleit jngohkai pyrthei ïa ka khlaw Gavi kaba pawnam, kaba kynthup ïa ka jingleit da ki bos, ka jingleit shonglieng, ka bai rung bad bai pynïaid, bad ka bai bam miet, yn buh ha ka 7, 11 bad 26 tarik u Naiwieng. Ka dor jong kane ka jingsiew baroh ka long T.1,750 marwei.
Ka KSRTC ka la pynbeit lai tylli ki jingleit jngohkai sha Munnar, Ambanad bad ki temple Ayyappa ha ka 8 tarik u Naiwieng, ka jingleit jngoh ïa ka Munnar kan sdang naduh ka por 5 baje mynstep bad kan wan phai haduh shiteng miet ha ka 9 tarik u Naiwieng.
Ka jingleit sha Ambanad, kaba sdang naduh ka por 6 baje mynstep bad wanphai pat ha ka por 9 baje mynmmiet, kaba kynthup ïa ka Chaliyakkara, Mambazhathara, Palaruvi, Kanankunnu bad ka Ambanad estate, kan long T.550 marwei.
Ka liengsuiñ jong ka Nefertiti luxury kan long ha ka 9 tarik u Naiwieng, kane ka liengsuiñ kan sdang na Kollam ha ka por 10 baje mynstep bad kan wanphai biang ha ka por shiteng miet. Ka bai kali, lada kynthup ïa baroh ki jinglut jingsep, ka long T.3,840 marwei.
Kane ka jingleit jingwan jong ka Kollur Mookambika kan sdang naduh ka por 2 baje janmiet ha ka 13 tarik, Naiwieng. Kane ka jingleit jngoh kan kynthup ïa ka Vadakkunnathan Temple bad Uthralikkavu Temple ha lynti.
Ki nongmane kin poi ha Mookambika ha ka step kaba bud bad kin pynlut ïa ka sngi hangta shwa ban sdang ïa ka jingleit phai.
Ha ka lynti ban wanphai, kane ka kynhun kan leit jngoh ïa ka Udupi Sree Krishna Swamy Temple, ka Ananthapura Lake Temple, ka Madhur Sree Siddhi Vinayaka Temple bad ka Parassinikkadavu Muthappan Temple, ha kaba kin poi sha Kollam ha ka step jong ka 16 tarik Naiwieng bad ka bai kali ka long T.3,480 marwei.
Ar tylli kiwei pat ki jingleit jngohkai la thmu ban pynlong ha ka 16 tarik u Naiwieng.
Kawei kan kynthup ïa ka Paniyeli Poru, ka jaka jngohkai pyrthei ha ka distrik Ernakulam, ryngkat bad ka jingleit jngoh ïa ka Tripunithura Hill Palace Museum bad ka Kaprikkad Sanctuary.
Ka bai kali ka long T.1,050 marwei. Kawei pat ka jingleit jngoh ka long sha Kanyakumari, ka ban sdang na Kollam ha ka por 4.30 baje mynstep bad ban kynthup ïa ka jingleit jngoh ïa ki wahduid jong ka Tirparappu bad ka Padmanabhapuram Palace shwa ban poi ha Kanyakumari ha ka por shiteng sngi.
Ka kynhun kan wan phai hadien ba ka la peit ïa ka jingsep jong ka sngi, ha kaba ka dor bai kali kan long T.810 marwei.
Ka Guruvayur Darshan Yatra kan sdang naduh ka por 9 baje mynmiet ha ka 20 tarik Naiwieng bad hadien ba ki la dep ban leit jngoh ïa ka Guruvayur Temple, kane ka kynhun kan ïaid shakhmat sha Mammiyur Temple, Anakotta, Triprayar Temple bad Paravur Dakshina Mookambika Temple shwa ban wanphai biang ha ka por miet. Ka bai kali na ka bynta kane ka jingleit ka long T.1,240 marwei.
Ka Guruvayur Darshan Yatra kan sdang naduh ka por 9 baje mynstep ha ka 20tarik Naiwieng bad hadien ba ki la dep ban leit jngoh ïa ka Guruvayur Temple, kane ka kynhun kan ïaid shakhmat sha Mammiyur Temple, Anakotta, Triprayar Temple bad Paravur Dakshina Mookambika Temple shwa ban wanphai biang ha ka por miet.
