Shillong, Naiwieng 06
Ka Meghalaya Cricket Association (MCA) ka la pynbna ïa ki kyrteng ki nongïalehkai ki ban mihkhmat sha ka U-23 Men’s State A Trophy 2025-26, one day tournament jong ka BCCI.
Kumba ka long ïa mynta, ka kynhun U-23 ka dangdon hapdeng ka jingïashim bynta sha ka lympung jong ka Col CK Nayudu Trophym, ha kaba kiba bun na ki nongïalehkai ba don ha kane ka kynhun, la pynrung sa sha kane kawei pat ka thup ïalehkai.
U kapten jong kane ka kynhun kaba 15 ngut un dei u Manish Sharma bad la jied ruh ïa u Josiah Momin kum u vice captain.
Ha kane ka kynti, ïa ka Meghalaya la pynïakap bad kiwei pat ki jylla kum ka Manipur, Mizoram, Nagaland, Arunachal Pradesh bad Sikkim, bad ïa ki jingïakhun la buh bna long ha kiba bun tylli ki jaka ïalehkai ba don ha Punjab.
Ka jingïakhun ba nyngkong jong ka Meghalaya kan long pyrshah ïa ka Sikkim ha ka 9 tarik mynta u bnai.
Ki kyrteng jong ki nongïalehkai ki long u Avinash Rai, Chandra Bahadur Thapa, Sachin Kumar, Pushkar Raj Singh, Dipankar Baruah, Josiah Momin (VC), Asif Khan, Manish Sharma (C), Rohit Yadav, Shavian Blah, PM Santhosh, Thunun Marak, Denikcheng Marak, Gulgul Sangma bad u Gavineal Marpna. Kiwei kiba la pynap lypa ki long u Sudhir Sahani, Salchang Sangma, Dairo Marak, Raghav Magotra bad u Charm Marbaniang.
Ki nongïarap jong ka kynhun ki long u Neetesh Sharma (head coach), Shiva R Sangma (assistant coach), Emidao Dhar (physio), Skhembor Khongbtep (trainer) & Wonderful E Pakyntein (manager).
