Shillong, Naiwieng 06
Ka Jaiñtia Students Union (JSU) Sengkmie ka la pynrem jur ïa ka Sorkar Meghalaya lyngba ka tnat Pulit ba ki la shim ïa ka aiñ ha ki kti ha ka miet 4 tarik ban shoh ban tied ïa ki dkhot ka MCTODA khamtam ïa u Adviser barim ka seng u Heibor Pariat uba long u President ka Unit uba la shah shoh shah tied la kum u mrad ha ki video kiba la saphriang bha ha ki lad pathai khubor.
Ka seng ka la dawa na ka Sorkar ba ka dei ban pyllait mardor ïa ki nongïalam ka MCTODA khlem da pynngat ha kino kino ki kyndon jong ka aiñ namar ka MCTODA ka khlem ïakhih pyrshah ïa ka aiñ ka dei ka hok jong u nongshong shnong hapoh jylla.
Ka JSU ka la pyrkhat ba ka lah ban leit ujor sha ka Meghalaya Human Rights Commission ban pyrshah ïa ki pulit kiba pyndonkam bakla ïa ka aiñ. Te lada ka Sorkar kam sngap ïa kane ka jingdawa ka seng kan sa shong pyrkhat.
