Agartala, Naiwieng:
Ki pulit ka Tripura, ki la kem ïa lai ngut ki briew, ba kynthup ïa uwei u shipai ka tnat Border Security Force (BSF), halor ka jingkynnoh ba ki don ïa u drok Brown Sugar uba la kot sha ka T. 5 lak.
Kane ka jingshhakem jong kine ki briew ka la long ha ka miet jong ka sngi Balang hadien ba la pyntreikam ïa ka jingleit khynra da ka kynhun Government Railway Police (GRP) bad ki pulit jong ka Tripura.
Ki heh pulit ki la ïathuh ba ïa kane ka jingkhynra la sdang katkum ka jingïoh jingtip ba ki don ki briew kiba kit ïa u drok. Ha kane ka jingkhynra la kem ïa lai ngut ki runar kiba kynthup ïa u u Sajiul Islam (22) bad u Farid Akhter (23) na Assam, bad u Salim Uddin (36 snem) uba dei u shipai ka tnat BSF uba don bad ka kynhun 122nd Battalion ha Santirbazar ha South Tripura distrik.
