Shillong, Naiwieng 07
Ka Shillong Wine Festival 2025 kaba 21 ka la sdang ha ka 7 tarik u Naiwieng 2025 ïa kaba la pynlong ha State Central Library Shillong.
Ïa kane ka tamasa la pynlong 2 sngi, kata ka la sdang ha ka sngi Thohdieng bad kan kut mynta ka sngi ka 8 tarik u Naiwieng 2025.
Ha kane ka tamasa kaba la pynlong da ka Forever Young, mynta u snem ki bun ki nongshna waiñ napoh ka Jylla kiba kynthup na South West khasi Hills, na Ri-Bhoi bad na Garo Hills, ki la ïoh jingmyntoi namar ha kum kane ka tamasa ka pynlong ïa ki nongshna waiñ ba kin kiew ha ka kam namar ki lah ban die bad ban shalan ïa ki waiñ.
Ki nongdie waiñ bad ki trai nongshna waiñ ki la ïathuh ba ki shna ïa ki waiñ ban nym pynsep ei ïa ki soh jong ki nongrep kiba bun jait kiba thung da ki Khasi bad shi bynta kane ka tamasa ka ïarap ban kyntiew ïa ka kam shna waiñ namar lyngba kane ka tamasa ki lah ban pyni sha kiwei ïa ka sap shna waiñ.
Ki la ïathuh ba ki don kumba haduh hynñiew jait ki soh ba la shna ba la wanrah ha kane ka tamasa.
Ki la ïathuh ba ki dor ki don ba 700 Tyngka shi bilor, don ba 500 Tyngka bad 400 Tyngka.
