Shillong, Naiwieng 07
Ka International Weightlifting Federation (IWF) ka la pynbna ïa ka kyrdan ïalehkai kaba thymmai na ka bynta ka LA Olympics 2028.
Ha kane ka jingpynthymmai ïa ki kyrdan ïalehkai, kam shym la paw ka kyrdan jingkhia kaba 49kg jong ki kynthei bad kane ka la ktah ïa ka Mirabai Chanu kaba la khur takma rupa ha ka Tokyo 2020 Games.
Ka Los Angeles 2028 ka don ïa ka jingïalehkai kaba la pynïar, ha kaba ki don 12 tylli ki jingïalehkai kiba kiew na ki 10 tylli kiba la pynlong ha u snem 2024. Hynrei ïa ka kyrdan jingkhia kaba 49kg jong ka Mirabai ba la weng noh, kaba mut ba kan hap ban ïakhun ha ka kyrdan 53kg lada ka kwah ban ïashim bynta.
Lada ka dei ban ïakhun, ha u snem 2028 kan dei ka jingïakhun kaba saw jong ka Mirabai ha ka Olympic. Ka la lah ban khur ïa ka jingjop jong ka ha ka Olympic ha Rio 2016, bad ka la khur ïa ka takma rupa ha u snem 2020. Ka la duh noh da ka said ban khur takma ha Paris, ha kaba ka la wan ha ka kyrdan basaw ha ka kyrdan jong ka.
Ki kyrdan jingkhia na ka bynta ka Olympic ha ka liang ki shynrang ki long 65kg, 75kg, 85kg, 95kg, 110kg & +110kg, katba ha ka liang ki kynthei ki long 53kg, 61kg, 69kg, 77kg, 86kg & +86kg.
