Ka khyndew ka long kum ka thiar bad ka jaka thung jaka thep bad ka ïing ka sem, ka ïingshong ïingsah, jong ki laiphew jait ki kynja jingthaw ba im kum ki dieng ki siej, ki ñiut ki ñier ki phlang ki kynbat, ki jhur ki jhep, ki puit ki khñiant, ki wieh ki kruiñ, ki ñiangbyrnai, ki dkhiew, ki skain bad kiwei kiwei ki jingthaw kaba u Blei nongthaw nongpynlong ula buh.
Kine ki im ki shong ki sah hapoh ka khyndew. Ki san ki neh, ki plung ki im bad ki mih symbai hapoh ka khyndew.
Katba ki mrad ki mreng kum ki skei, ki khiat, ki sier, ki kyndad, ki dngiem, ki kui, ki phyllat, ki Hati ki khia ki sing ki koratia ki diengkhit ki brai, ki khnai, ki risang, ki khmat, ki bseiñ, ki tyrpud ki ñiangbashiah ki shong ki rieh tngen na sla khyndew. Kumjuh u briew ruh u shong u sah u thaw iing thaw sem ha sla khyndew halor ka meiramew. Ka khyndew ka long kum ka nong-ri nongkdup ïa baroh ki kynja ba im ba par ha sla khyndew.
Ka khyndew ka long kum ka kmie kaba ri bad sumar bad ai bam ai dih ïa baroh ki jingthaw barim hangne ha sla ka pyrthei. Kane ka long ka jingkordor jong ka khyndew.
Ka khyndew ka long kum ka thiar bad ka jaka thung jaka thep bad ka ïing ka sem, ka ïingshong ïingsah, jong ki laiphew jait ki kynja jingthaw ba im kum ki dieng ki siej, ki ñiut ki ñier ki phlang ki kynbat, ki jhur ki jhep, ki puit ki khñiant, ki wieh ki kruiñ, ki ñiangbyrnai, ki dkhiew, ki skain bad kiwei kiwei ki jingthaw kaba u Blei nongthaw nongpynlong ula buh.
Kine ki im ki shong ki sah hapoh ka khyndew. Ki san ki neh, ki plung ki im bad ki mih symbai hapoh ka khyndew.
Katba ki mrad ki mreng kum ki skei, ki khiat, ki sier, ki kyndad, ki dngiem, ki kui, ki phyllat, ki Hati ki khia ki sing ki koratia ki diengkhit ki brai, ki khnai, ki risang, ki khmat, ki bseiñ, ki tyrpud ki ñiangbashiah ki shong ki rieh tngen na sla khyndew. Kumjuh u briew ruh u shong u sah u thaw iing thaw sem ha sla khyndew halor ka meiramew. Ka khyndew ka long kum ka nong-ri nongkdup ïa baroh ki kynja ba im ba par ha sla khyndew.
Ka khyndew ka long kum ka kmie kaba ri bad sumar bad ai bam ai dih ïa baroh ki jingthaw barim hangne ha sla ka pyrthei. Kane ka long ka jingkordor jong ka khyndew.
C. B. Iawphniaw
