Shillong, Naiwieng 09
U Akash Chaudhary, u la lah ba un thaw ïa la ka jong ka khana kaban sah nam pateng la pakit, hadien ba un kylla long u batsman uba lai ha ka kyrdan ïalehkai First Class Cricket, ba un lah ban tied haduh 6 tylli ki Six tang ha ka shi over, bad kane ka la jia long ha ka sngi kaba ar jong ka lympung ïalehkai jong ka Ranji Trophy 2025-26 plate group pyrshah ïa ka Arunachal Pradesh kaba lalong ha Surat.
U Akash uba la rung shapdeng ka madan, u la lah ban tied ïa kine ki six na ka over kaba la an ban bol ïa ka da u Limar Dabi, kaba long kum ka jingbuddien ïa ki dienjat kum ki khlur ïalehkai bna nam kum ki jong u Garry Sobers bad u Ravi Shastri, kaba ha kane ka jingïakhun, ïa ka 50 ron (half centurt) u Akash u la lah ban kynjoh tang hapoh ki 11 tylli ki bol, kaba long kaba sted tam ha kum kane ka kyrdan iakhun.
Ha kaba kut, ka pynlong ïaka Meghalaya ba kan shim ïa ka rai ban khylliap noh ïala ka jong ka pali ka jong ka hadien ba ka la lah ba kan kamai 628 ron, kaba la wan hadien ba ka lajop ïa ka toss.
Hadien kane, ka Arunachal ha Kapali wan tied ba nyngkong ka la lah ba kan kamai tang 73 ron bad hap lut baroh ki wiket, bad kane ka pynlong ïa ki ba sa shisien ba kin hap ban sdang ban wan tied ïa ka pali kaba ar, ha kaba ki la lah ban kamai 17 ron bad la hap noh 3 wiket bad ban dang shah tam kylla da kumba 526 ron.
Nalor u Akash sa kiwei pat ki batsman kiba la paw ka Meghalaya ha kane ka kynti iakhun ki long u Arpit Bhatewara uba la lah ban kamai 207 ron ba la wan na ki 273 bol, u Kishan Lyngdoh u la lah ban kamai 119 ron, Rahul Dala 144 ron ba la wan na ki 102 tylli ki bol.
Lada ïa phai pat sha ka bynta jong ka bowling, ki rang ïalehkai ka Meghalaya kiba la lah ban paw bad tyngshain ki long u Aryan Bora uba la khur 4 wiket naka bynta 16 ron, u Dipu Sangma 2 wiket naka bynta 16 ron, u A.R Nongrum 2 wiket na bynta 28 ron, u Akash 2 wiket na ka bynta 7 ron, kaba pynlong ïa ka Arunachal ba kin nym lah ban khlem da ïaid lait na ka follow-on.
Haba ïadei bad kane ka sur ïalehkai ka kynhun katno tam lei-lei na ka liang u Akash, ka pynlong ïa u President ka Meghalaya Cricket Asociation u Naba Bhatacharjee, u la wan shakhmat ban ïaroh bd ban da pyrto ïa kane ka sur ïalehkai jong ka kynhun, katno tam lei-lei ba na kane ka jingïakhun, sdang ban mih paw bun ngut kita ki all rounder, kaba don ka jingkyrmen ïa ka jylla hi baroh kawei.
Ka kyrwoh jingpyrto ka la mih paw ruh na u Secretary ka MCA bah Raynold Kharkmi ne wat u Myntri Rangbah ka jylla u Conrad K Sangma.
