Mawkyrwat, Naiwieng 10
Ka Seng Samla shnong Mawkyrwat ha ryngkat ka Mawkyrwat Sports Association kum shi bynta ka jingrakhe lehkmen ïa ka jingdap shispah snem ka Shnong Mawkyrwat, ka la pynlong da ki jinglehkai bapher bapher kiba kynthup ïa ka Basketball, Cricket, Football, Badminton, Swimming bad kiwei kiwei.
Ïa kine ki jingïalehkai ka Seng Samla Shnong Mawkyrwat mynta ka taïew ka la pynkut noh ha ryngkat ka jingïaid beit ïaid ryntih bad ka jingsakhi lang u Bah Elevenson Wanñiang, President barim ka MASA kum u kongsan ha ka jingïadon lang u samla Kitborsing Lyngdoh, President ka Seng Samla Shnong Mawkyrwat, ki nongkitkam ka Seng Samla Shnong bad ka MASA.
Ha ka jingïalehkai Basketball jong ki shynrang la jop da ka Dong Riathawlong ïa ka Dong Photsait Tympew da 60-55 basket. Katba ha ka liang ki shynrang, la jop da ka Dong Mawbynna ïa ka Dong Mawkrem Syiem.
Haba phai sha ka jingïalehkai phutbol ka Dong Mawbynna ka pynliem noh ïa ka Dong Mawkrem Syiem da 1-0 kol ba la thep da u Davidkupar Wanñiang.
La ïoh ruh ban sam ïa ki khusnam sha ki nongjop da samla Afterson Wanñiang, Secretary ka Mawkyrwat Sports Association bad u Bah B. S Marbaniang.
