Amlarem, Naiwieng 10
U Myntri Rangbah ka Jylla u Conrad K. Sangma ha ka lah sngi U Blei ula hiar jurip ïa ka jingsiang madan phlang plastik ne artificial turf kaba don ha Ladjaplem, Amlarem kaba ka jingpyntrei mynta ka dangïaid shakhmat.
Ha kane ka sngi la synran lang da u Myntri ka tnad pule puthi u Bah Lahkmen Rymbui, ha ryng -kat ki ophisar na ka tnat ïalehkai, u District Sports Officer (DSO), West Jaiñ-tia Hills u Bah Khroobok Passah, ki ophisar sorkar nalor ki nongïalam bad dkhot jong ka Amlarem Sub-Divisional Sports Association nalor kiwei kiwei.
Ha kane ka jingleit jurip, u Myntri Rangbah ula kdew ba ki madan ïalehkai kiba kum kine mynta la tei ha kylleng ka Jylla da ka jingthmu ban kyntiew ïa ki jingïa-lehkai. U la pynpaw ruh ka jingkyrmen ba kane ka projek yn sa dep noh shen, ka ban ailad ïa ki samla jong ka Amlarem bad ki jaka ba marjan ban pyntbit bad ban ïashim bynta ha ki jingïalehkai phutbol.
U Myntri Rangbah u la pynpaw biang ruh ïa ka jingbteng jong ka Sorkar ban pynshlur ïa ki jingïalehkai, ka jing-kyntiew ïa ki samla, bad ka jingïadei bad ka imlang sahlang, da kaba pynksan ba kum kine ki jaka kin pynroi ïa ki sap bad pynkhlaiñ ïa ka kolshor ïalehkai ha ka thaiñ.
