Shillong, Naiwieng 11
Uwei u rangbah u la khlad noh hadien ba la kynnoh ba u la shah dung ha uwei u briew da ki kynja tiar ba nep.
Katkum ka khubor kaba la ïoh na ki pulit la ong ba ha ka 9 tarik mynta u bnai, uwei u briew ba la tip kyrteng kum u Libokstar Suting, la kynnoh ba u la dung ïa uwei u Bhim Singh Lyngdoh Nongbri (46 snem) ha ka shnong Mawpyrshong ha East Khasi Hills.
La ong ba kham hadien ïa une uba la shah dung la pynkynriah noh sha ka jaka ai jingsumar ha Supercare Hospital, Shillong, ha kaba na ka liang jong u doktor ba dei peit, u la pynbna ba u la dep ban khlad lypa. Na ka liang jong ki pulit ki la kem noh ïa utei u briew ba la kynnoh donkti ban dung.
