Shillong, Naiwieng 11
Ka Sorkar Jylla kala pynmih ïa ka jingpynbna kaba kongsan ba kum ki nongñiah bad nongbud jong ki kali kamai paidbah ba ki dei ban wah ïa ki kyrteng bad ki jingtip ba bniah shaphang jong ki hapoh ki kali.
Katkum ka jingpynbna ba pynmih da ka tnat Transport, baroh ki trai permit, kynthup ki taksi, auto rickshaw, bos, ki kali kamai National Permit, kali tourist, kali jong ki skul/jaka pule, ki dei ban wah ïa kine ki jingtip: Ka kyrteng u nongñiah, driving licence number, kyrteng u contractor, licence number bad jaka sah ba shirta (lada donkam).
Ïa kine ki jingtip dei ban wah ha ka ktien phareng bad ktien lajong, ha ka dashboard lane ha lyndet ka jaka shong ba hakhmat ban ïohi ki nongshong kali.
Kane ka sienjam ba la shim ka dei kaba la leh da ka jingthmu ban wanrah ïa ka jingkamai kaba khuid ba shai, ka jingkitkhlieh bad ka jingïada ïa ki nongleit nongwan.
Ki trai ba bat ïa ki permit ki dei ban pyntreikam ïa kane hapoh ka 30 sngi naduh ba pynmih ïa ka jingpynbna.
