Shillong, Naiwieng 11
Ki katto katne ki briew kiba la kam ba ki dei na ka Vehicle Finance Department (VFD) ki la kurup noh ïa kawei ka trok bad ban rahbor ïa u nongñiah jong ka.
Katkum ka khubor kaba la ïoh na ki pulit la ong ba u Gurpez Singh u la ai ka jingujor ba ha ka 9 tarik mynta u bnai ha ka por kumba 6.25 mynstep, saw ngut ki briew bym lah ban ithuh dur, kiba la kam ba ki dei na ka Vehicle Finance Department ki la kurup noh ïa ka trok jong u, kaba don ïa u registration number NL01-AJ-8095 bad ruh ban rahbor ïa u nongñiah trok jong u, u Raj Kumar ba la 38 snem.
Shuh shuh la ong ba na ka liang kitei ki briew, hadien ba ki la rahbor ki la pyndih ki jingdih pynbuaid ïa une u nongñiah bad ban lute ïa ka mobile phone jong u bad ka pisa kaba long T.4 hajar. Kham hadien na ka liang kine ki runar ki la iehnoh ïa une u nongñiah bad phet krad noh ym tip shano.
