Shillong, Naiwieng 11
Ki 4 ngut ki nongïalam ka Meghalaya Commer-cial Truck Owners and Drivers Association (MCTODA), ba kynthup ïa u President u Bah Mosklandar Marngar ha ka janmiet jong ka 11 tarik u Naiwieng 2025, ki la ïoh jamin bad ki la ïoh mih noh na Shillong District Jail.
Nalor u President, kiwei ki nongïalam kiba la ïoh jamin ki kynthup ïa u Bah Teibor Marngar, Bah Thrangbor Lyngdoh bad u Bah Heibor Pariat.
Lah ban kdew hangne, ba ïa kitei ki 4 ngut ki nongïalam ka MCTODA la pynngat 4 tylli ki mukotduma hapoh Meghalaya Main-tenance of Public Order (MMPO) Act bad Bharatiya Nyaya Sanhita (BNS).
Ïa kitei ki 4 ngut la kem ha ka step phyrngap jong ka 05 tarik u Naiwieng 2025, na Mawryngkneng, East Khasi Hills hadien ba la mih ka jingkulmar hapdeng ki dkhot ka MCTODA bad ki pulit.
Ki pulit ki la kem ïa ki 4 ngut ki nongïalam halor ka jingkynnoh ba ki dkhot ka MCTODA ki la kawang maw ïa ki trok ba wan na ki thaiñ Jaiñtia Hills bad shoh bad thmu rahbor ïa ki dribar trok.
