Shillong, Naiwieng 12
Ka Young Talent Badminton Club (YTBC) kan pynlong ïa ka prokram ai jinghikai ba la tip kum ka Winter Coaching Camp naduh u Nohprah mynta u snem ha Indoor Sports Hall kaba ha Mawlai Mawdatbaki.
Ka jingthmu jong kane ka prokram ai jinghikai ka long ban saiñdur ïa ki sap ba nylla jong ki khynnah ka nongbah khnang ba ka lawei ka jong ki kan long kaba phyrnai ba kin paw ym tang ha ka Jylla, hynrei wat ha kylleng jong ka ri India.
Katkum ka kyrwoh la ong ba ka kyrdan ai jinghikai kan long tang ïa ki khynnah kiba hapoh 16 snem rta naduh ka por 1 baje mynsngi haduh 5 baje janmiet. Kane ka prokram ai jinghikai kan kut haduh u Lber jong snem 2026. Ïa ki jingtip ba kham bniah ki lah ban phone ha u number 9436461851.
