Jowai, Naiwieng 12
Ka Demthring SC bad ka Ladthadlaboh SC ki la ïasam mar shi poiñ ha ka lympung ïalehkai Super Division Football Tourna -ment na ka bynta ka 17th Kiang Nangbah Memorial Trophy ba la pynïaid da ka West Jaiñtia District Sports Association (WJDSA), hadien ba ki la ïakhaid mar 1-1 kol ha ka sngi Balang.
Ha kane ka jingïalehkai kaba la long ha Kiang Nangbah Stadium kaba ha Jowai, ka Dremthring SC ka la pynkhih jar nyngkong ha ka minit 11 lyngba u Roikhih Nongtdu, kat-ba ka Ladthadlaboh ka la lah ban pynïakhaid kylla ha ka minit 15 da u Promi Suting.
Ka jingïalehkai ha ka sngi Palei kan long hapdeng ka Nangbah Mulang bad ka Youth & Cultural Sohmynting ha ka por 2 baje nohphai sngi.
