Guwahati, Naiwieng:
Ka bor pynïaid jong ka distrik Tinsukia ka la pynbna paidbah ïa ki bynta jong ka distrik kum ka Infected Zone hadien ba la lap ïa ka jingsaphriang jong ka jingpang African Swine Fever (ASF) ha katei ka thaiñ.
Katkum ka jingpynbna ba la pynmih da ka District Commissioner, ka Tinsukia, kawei ka Development Block kaba hap hapoh ka District bad ki jaka ba marjan kiba don hapoh ka jingjngai kaba 1 km radius la ithuh kum ka Infected Zone. Katkum ka Action Plan for Preparedness, Control & Containment of African Swine Fever (ASF) ba la pynmih da ka Animal Husbandry and Veterinary Department, Assam, ka jingpynkhlad ïa ki mrad kiba shah ktah bad ki bym pat shah ktah ha ka jingpang kan sa ïai bteng bad ïaid shakhmat ha kane ka thaiñ ba la shah ktah, khnang ban ïada na ka jingsaphriang sted jong ka jingpang.
Shuh shuh, ka bor synshar ka la pynbna ïa ka jaka kaba jngai 10 km radius na ka shnong Gobindapur jong ka Makum Development Block kum ka Surveillance Zone, ha kaba yn leh ïa ki lad jingïada kiba pyrkhing bha.
La bthah ïa ki nongshong shnong ha kylleng ka distrik ba kin kiar na kaba bam doh sniang ne ki bynta kiba ïadei bad ka doh sniang tad haduh ban da pynbna da kumwei pat. Ka jingai jingmut ka thmu ban pynthikna ïa ka jingshngaiñ jong ka koit ka khiah jong ki paidbah bad ban tehlakam ïa ka jingsaphriang jong ka ASF hapdeng ki jingri jingdup.
U District Commissioner u la kyntu ïa ka jingïatreilang jong baroh ki nongshong shnong, ki nongri jingri, bad ki trai ba ri sniang ban bud ryntih ïa ki lad jingïada bad ki jingbthah ba la pynmih da ki bor ba dei khmih.
