Shillong, Naiwieng 12
Ka Tamil Nadu ka la long ka lahduh ha ka lympung ïalehkai Sub Junior Boys’ National Football Champion-ship 2025-26 Tier 2 hadien ba ka la lah ban pynliem noh ïa ka Telangana da 2-1 kol ha ka jingïakhun final kaba la long ha ka sngi Balang ha madan Ramakrishna Mission Ashrama kaba ha Narainpur, Chhattisgarh.
Kine ki ar tylli ki kynhun ki la kiew kyrdan sha ka Tier 1 jong ka Sub Junior Boys’ NFC na ka bynta ka aïom ïalehkai 2026-27.
Ha kane ka jingïakhun final ka Tamil Nadu ka la ïoh ban thep baroh ar kol ha ka kylla step. Ïa ka kol kaba nyngkong la thep da u Souvik Halder ha ka minit kaba 13 bad kawei pat da u Abidnego S ha ka minit kaba 45+1.
Katba ka Telangana ka la lah ban pynphai kylla shi kol hashwa ban wai lyngba u kol ba la thep hi da u rangïalehkai ka Tamil Nadu u Jeremiah P’s (90+11) bad ka la mad ïa ka jingshah rem.
