Shillong, Naiwieng 12
U Myntri ka tnad pule-puthi, u Bah Lahkmen Rymbui ha ka Sngi Balang u la ong ba ka Sorkar Jylla ka la ïai kyntu ïa ki tnad treikam ka Sorkar Pdeng – Minority Affairs & Tribal Affairs ban pynkiew ïa ka jingïoh ne ka ‘Income Ceiling’ na ka bynta ki baibam ka Sorkar Pdeng.
Naduh u snem 2022, u Bah Rymbui u la ong ba u la kyrpad ïa kitei ki ar tylli ki tnad treikam ban pynkiew ïa kata ka ‘Eligibility Threshold’ na ka T. 2.5 lak (ka jingïoh ba shisnem jong ki kmie ki kpa) sha ka T. 4.5 lak, ka sienjam kaba thmu ban pynïar ïa ka jingïoh lad na ka bynta ki samla pule na ki longïing kiba duna ka ïoh ka kot.
“Ka Sorkar India kam pat mynjur haduh mynta. Ngan sa buddien bad ka Sorkar Pdeng khnang ba lada ki pynkiew ïa kane ka kyrdan, kin kham bun ki samla pule kiba lah ban ïoh ïa ka baibam,” u la bynrap.
