Jowai, Naiwieng 13
Ka Youth & Cultural Sohmynting ka la pynliem noh ïa ka Nangbah Mulang da 2-1 kol na ka bynta ban khur jingjop ha ka Super Division Football Tournament na ka bynta ka 17th Kiang Nangbah Memorial Trophy ba la pynïaid da ka West Jaiñtia District Sports Association (WJDSA) ha ka sngi Palei.
Ha kane ka jingïakhun kaba la long ha Kiang Nang-bah Stadium, Jowai, ka Youth & Cultural Sohmynting ka la pynkhih jar nyngkong eh lyngba u Kyrshan Sumer ha ka minit kaba 10. Hynrei hadien khadwei minit ka Nangbah Mulang ka la pynphai kylla lyngba u Dawanlangki Susngi na ka bynta ban ïakhaid mar shi kol.
U Kyrshan u la thep biang sa shi kol ha ka minit kaba 54 jong ka kylla miet bad ban pynlong shi syndon ban khur ïa ka jingjop.
