Shillong, Naiwieng 13
U rangïalehkai ka Jylla u Ronney Kharbudon u la don hapoh ka thup jong ka kynhun ïalehkai Under-23 ka ban pynkhreh na ka bynta ka jingleit ïalehkai paralok sha Thailand.
Ïa kane la pynbha da u coach ka kynhun ïalehkai ka ri u Naushad Moosa hadien ba u la pynbna ïa ki 23 ngut ki rangïalehkai ha ka sngi Palei na ka bynta katei ka lympung ïalehkai.
Te kumta ka India kan pynkhreh ïa ka jingïaleh-kai paralok pyrshah ïa ka Thailand ha ka 15 tarik mynta u bnai ha Tham-masat Stadium kaba ha Pathum Thani.
Na ka liang ka All India Football Federation (AFF), ka la shim ïa ka sienjam ban pynlong ïa ki prokram kilanmet bad ki jingïalehkai paralok na ka bynta katei ka kynhun ïalehkai U-23 jong ka ri kaba long shi bynta jong ka jingpynkhreh na ka bynta ka 20th Asian Games, ka ban sa long ha Aichi-Nagoya, Japan, ha u snem ban wan.
Lah ban kdew, u Ronney uba dei u rangïa-lehkai barim ka Shillong Lajong FC, dangshen u la ïoh ban mihkhmat ha ka sien kaba nyngkong eh na ka bynta ka FC Goa pyrshah ïa ka kynhun ïalehkai Saudi Pro League, ka Al Nassr FC kaba la jop da 4-0 kol ha ka AFC Champions League Two 2025-26 Group-D kaba la long ha ka 5 tarik mynta u bnai ha Riyadh.
Ki kyrteng ki rangïaleh -kai U-23 ka India ki ban leit sha Thailand ki long
Goalkeeper: Dipesh Chauhan, Kamaludheen AK & Mohanraj K.
Defender:Harsh Palan -de, Joseph Justin, Raj Basfore, Ronney Kharbu -don, Sumit Sharma Brah -macharimayum, Sanatom ba Singh Yanglem & Yaipharemba Chingakham.
Midfielder: Ayush Dev Chhetri, Lalrinliana Hnamte, Manglenthang Kipgen, Shami Singama-yum, Vinith Venkatesh, Shivaldo Singh Ching-angbam, Vibin Mohanan & Mohammed Aimen.
Forward: Alan Saji, Korou Singh Thingujam, Lalthankima, Rahul Raju & Thoi Singh Huidrom.
