Jowai, Naiwieng 16
Ka 7 Wasa United ka la khur ïa ka lahduh ha ka lympung ïalehkai ba nyng -kong eh jong ki kynthei ba la tip kum ka ‘1st Women Football Tourna-ment 2025’ ba la pynïaid da ka West Jaiñtia Dis-trict Sports Association (WJD-SA), hadien ba ka la lah ban pynliem noh ïa ka Carpediam da 2-1 kol ha ka jingïakhun phainal kaba la long ha ka sngi Saitjaiñ ha Kiang Nangbah Stadium, Jowai.
Haba phai sha ka jingïakhun jong ka kylla step, ka la kut ha ka jingïakhaid hadien ba baroh arliang mamla kim shym la lah ban thep kol watla ki la ïoh ïa ki katto katne ki kabu ksiar. Dei ha ka kylla miet ba ka Carpediam ka la ïoh ban pynkhih jar nyngkong lyngba ka Deigracia Dan ha ka minit 49. Hynrei ka 7 Wasa United ka la lah ban pynphai syndon ar kol lyngba ka Amethis Darnei ha ka minit 59 bad ka Nidaroi Biam ha ka minit 60+3 na ka bynta ban khur syndon ïa ka jingjop.
Hadien ka jingia-lehkai la sam khusnam ryngkat ka trophy sha ka kynhun lahduh bad kynhun ba wan ba-ar. La sam ruh ïa ki khusnam shimet ha kaba ïa ka nam Player of the Match la ïoh da ka Nidaroiki Biam na ka 7 Wasa United, Top Scorer ka leit sha ka Daphimon Khyriem na Ladthadla-boh, Best Goalkeeper la ïoh da ka Nangpynïarbha Ryng-khlem na ka 7 Wasa United bad Player of the Tournament la ïoh da ka Baiarbha Nongrum jong ka Carpediam.
Ïa ki khusnam la sam da u kongsan u Bah S.K. Lato, u nong-seng ïa ka JDSA ha ka jingdonlang ki nong-ïalam bad dkhot nongkitkam ka WJDSA.
