New Delhi, Naiwieng:
Kane ka mukotduma ka la sdang haba ki heh jong ka Bureau of Immigration ha kad liengsuiñ Kochi ki la khanglad ïa uwei u samla halor ka jingsuba ba u donkti ha ka kynhun khaii dkhot met.
The case began when officials of the Bureau of Immigration at Kochi airport intercepted a youth on suspicion of involvement in an organ-trafficking network.The National Investigation Agency has arrested the prime accused in a case involving trafficking people to Iran for illegal organ donation.
U Madhu Jayakumar, uba dei u trai shnong jong ka Ernakulam, u la shah kem hadien ba u la wan na Iran ha ka 8 tarik Naiwieng, ong ki tyllong khubor. Katkum ki tyllong khubor, hadien ka jingujor jong ka tnad treikam jong ka ri, la ïalam ïa u Madhu hakhmat ka Kashari ha Kochi ha ka 12 tarik Naiwieng.
Ka ïingbishar ka la phah ïa u Madhu sha phatok jong ka kynhun NIA haduh ka 19 tarik u Naiwieng.Mynta u dang shah tohkit ha ka ophis treikam jong ka kynhun NIA ha Kochi.
Kane ka mukotduma ka la sdang ha ka 18 tarik u Jymmang, 2024, ha kaba ki heh jong ka Bureau of Immigration ha kad liengsuiñ jong ka Kochi ki la bat ïa uwei u samla halor ka jingsuba ba u donkti ha ka kynhun khaii briew.
Ïa kane ka jingtohkit la pynïaid nyngkong da ki pulit ka Ernakulam Rural shwa ban shimti da ka kynhun NIA.Ka jingtohkit ka la pynpaw ba kiba shah kynnoh ki la thmu ïa ki briew kiba don jingeh ha ka liang ka pisa tyngka bad ki la pynngop ïa ki ban leit sha Iran da ka jingpynbyrngia ba ki dei ban noh synñiang da ki dkhot met katkum ka aiñ.
Ki la ithuh ruh ïa ki briew kiba ïoh ïa ki dkhot met bad ki la pynsuk ïa ka jingsumar jong ki ha ki hospital jong ka Iran, da kaba kam thok ba katei ka rukom treikam ka long katkum ka aiñ hangtei.Ha u snem ba la dep, ka NIA ka la mudui da ka mukotduma pyrshah ïa u Madhu, u Sabith, u Sajith Shyam bad u Bellamkonda Ram Prasad.
Ha u bnai Rymphang 2025, la pynmih ïa ka Interpol Red Corner Notice pyrshah ïa u Madhu, uba la sah ha Iran.Na ka bynta ka kynhun NIA, ka jingkem ïa u Madhu ka long kaba kongsan bha namar ba u dang synshar ïa ki kam khaïi dkhot met ha Iran, da kaba ïatreilang bad ki hospital hangtei, la bynrap shuh shuh ki tyllong khubor.
