Washington, Naiwieng:
Ka United States ha ka Sngi Palei, ka la ong ba kan weng noh ïa ki khajna halor ki katto katne ki marbam bad kiwei dei ki jait marbam kiba wan na Argentina, Ecuador, Guatemala bad El Salvador hapoh ki jingïateh ba la buh ryntih ki ban ailad ïa ki kompeni jong ka US ban kham ïoh lad ban rung sha kito ki ïew.
La khmih lynti ba kitei ki jingiateh kin iarap ban pynhiar ia ka dor jong u coffee, ka kait bad kiwei kiwei ki marbam, la iathuh uwei u heh sorkar jong ka sorkar US ha ki nongthoh khubor, da kaba bynrap ba ka sorkar ka khmih lynti ba ki nongdie marbam jong ka US kin pynpoi ia ki jingktah kiba bha sha ki nongthied nongpet jong ka America.
Ka phang pdeng kaba iadei bad kiba bun na ki 4 tylli ki ri ka dei ban pyndep hapoh ar taiew ban wan, la ong u heh sorkar, ryngkat bad ki jingiateh ba kham bun kiba la iohi ba lah ban long shwa kaba kut jong une u snem.
U symbud ka tnat pla tyngka jong ka US, u Scott Bessent, ha ka Sngi Palei, u la ong ba ka US ka thmu ban pynmih ïa ki katto- katne ki jingpynbna ba kongsan ha ki sngi ban wan ki ban wanrah ïa ka jingpynhiar dor ïa u coffee, ka kait bad kiwei de ki jait soh, kum shi bynta jong ka jingpynbor jong ka sorkar US ban tehlakam ia ka jingeh jong ka ioh- ka kot ki nong America.
U Secretary ka kam bar ri jong ka Brazil, u Marco Rubio bad u Myntri kam bar ri jong ka Brazil, u Mauro Vieira, ki la iakren ia ka rukom treikam na ka bynta ka jingiadei khaii pateng hapdeng ka US bad ka Brazil, ha ka jingialang kaba mynta ka taiew, ong ka tnad kam bar ri jong ka US, ha ka Sngi Palei.
Ka Brazil ka dei ka ri kaba pynmih bad shalan kophi kaba heh tam ha ka pyrthei hynrei ka jingshalan jong ka sha US ka ïakynduh ïa ki khajna ba 50% ba la buh da u President ka US Donald Trump.
