Nongstoiñ, Naiwieng 17
Ka West Khasi Hills District Association ka la sdang ïa ka lympung ïalehkai kriket ba la tip kum ka 1st Inter Office Cricket Tournament 2025 ha ka lah sngi U Blei ha madan Mawrusyiar, West Khasi Hills.
Ha ka jingïalehkai jong kane ka sngi plie, ka West Khasi Hills District Police Team -A ka la khur ïa ka jingjop, hadien ba ka la lah ban pynliem noh ïa ka Soil & Water Conser-vation Division Office da 113 run.
Ha kane ka jingïakhun ka West Khasi Hills District Police Team- B kaba la jop ïa ka kynting pisa na ka bynta ban shimti ha ka ban thied nyngkong bad ka la kamai 208 run bad shah pynhap 5 wiket na ka 15 over.
Haba wan beh ïa ka thong ka Soil and Water Conservation Division ka la kamai tang 95 run hadien ba ki nongtied jong ka ki la shah pynkhyllem lut ha ki 14.4 over.
Ïa ka nam Player of the Match la ïoh ban khur da u Fresco Momin uba la tied 82 run na ki 41 bol na ka bynta ka West Khasi Hills District team A.
Haba phai pat sha ka jingïalehkai kaba ar , ka Health Department ka la jop da 9 run ïa ka Divisional Forest Office.
Ka Divisional Forest Office kaba la jop ïa ka kynting pisa, ka la ailad ïa ka Health Department ban tied nyngkong ha kaba ka la kamai 111 run bad shah pynhap 7 wiket ha ki 15 over. Haba wan beh ïa ka thong ka Divisional Forest Office ka la kamai tang 102 run bad shah pynhap baroh ki nongtied ha ki 13.1 over. Ïa ka nam Player of the Match la ïoh ban khur da u Bankitkupar Thongni na ka Health Department.
