Khliehriat, Naiwieng 18
Ka Dhana CSC bad Shilliang Umshong SC ki la khur jingjop ha ka Super Division Football Tournament ba la pynïaid da ka East Jaiñtia Hills District Football Association (EJHDFA) ha ka sngi Ba-ar ha madan Artificial turf Diengshynrum, Khliehriat.
Ha ka jingïakhun kaba nyngkong, ka Dhana CSC ka la pynliem noh ïa ka Chiehruphi SYWSC da 5-0 kol. Ha ka kylla step ka Dhana ka la thep lai kol lyngba u Justmeki Swer ha ka minit kaba 2, kumjuh u Micheal Siangshai (33) bad u Pyntip Dkhar (39). Kane ka kynhun ka la thep biang sa ar kol ha ka kylla miet lyngba u Marki Swer (73) bad kawei pat da u Micheal (80) na ka bynta ban khur syndon ïa ka jingjop.
Haba phai sha kawei pat ka jingïalehkai kaba bud, ka Shilliang Umshong SC ka la jop da 3-0 kol ïa ka Ladrymbai-B SC. Kane ka la wan lyngba ka hat-trick ba la thep da u Besterly Ksih ha ka minit kaba 22, 59 &72.
Lyngba kane ka jingjop ka Shilliang Umshong SC ka la jam sha ka kyrdan kaba ba-ar bad kamai 13 poiñ na ki hynñiew sien ïakhun bad ka dang duna sa ar point ïa ka Sutnga, kaba dangkhmat ha kane ka lympung.
Kumba ka paw ka Dhana CSC bad ka Ladrymbai B SC ki dei ki kynhun ki ban shah pynhiar kyrdan na kane ka lympung, ha kaba ki la don ha ki kyrdan ba shatrai ha kaba ki la kamai 6 bad 2 point.
