Ki khun kpa Khasi lane kpa Naga, Bihari, Negro, Phareng, Bengali, Madrasi, Shaina bad kiwei kiwei. Watla ka kmie ka dei ka Khasi makna ki khun ki bit na u kpa nadong shadong, ka dur ka dar, ka rynïeng, ka snieh doh bad ka rukom pyrkhat pyrdain ruh.
Ki lah ban ai jait Khasi ne kano kano ruh, namar ka dei ka dustur ka riti thaw briew, hynrei ka jinglong ka rynïeng ka rynïot ka bit beit ïa u kpa ba ai ïa u symbai. Phim lah ban pynkylla ïa u symbai ba ioh na ki kpa na ki jaitbynriew bapher bapher.
Ngi lah ban pynkylla ban shim tang ïa ka jait ka kynja bad ka kyrteng ym ïa ka thymmei tynrai bad u symbai.
Namar lada ngi thung riewhadem ngi ngeit ba un mih hi u riewhadem. U symbai riewhadem um lah ban mih da u phan da lei lei ruh. Ka pateng u briew ka dei na u kpa ym na ka kmie. Kumta ka dei keiñ ban ai jait sha u shynrang uba dei u kpa ban lait na ka sang ka ma. Dei u kpa uba bet ïa u symbai bad pynkha ïa ki khun ïa kane ym lah ban len wat la phi ong kam dei kumta.
Ki khun hi haba peit bniah bha ki bit beit ïa u kpa uba kumno kumno ruh la lyngkot ne jrong la lieh ne ïong ka snap kpa ka neh beit ha ki khun kynthei ne shynrang ruh. Ka long khyllah ne phngar ka khun na u Phareng ne na u Bihari kan bit ïa ka kmie Khasi. Kane ka long ka tynrai ba seng ïa ka longbriew manbriew.
C. B. Iawphniaw
