Shillong, Naiwieng 20
Haduh arngut ki nongbylla kila duh ei ïa la ka jong ka jingim katba lai ngut kiwei pat ki para nongbylla, kila lait im da ka said na ka jingtwa khyndew kaba la jia ha ka step sngi Palei hajan ka Bokmagre Petrol Pump ha Tura.
Ha kaba ïadei bad kane ka jingjia, ka kynhun na ka SDRF, ka DDMA bad ki pulit ki dang ïaleh ban pynkhuid ïa ka khyndew ban lap ïa une u nongbylla ba dang jah, ïa kaba, ym pat lah ban tip aiu bala jia ïa u, la u dang im ne em.
Katkum ka khubor, ki don 5 ngut ki nongbylla ba trei ha kane ka jaka ha ka por ba twa ka khyndew jong ka kynroh. Ïa uwei u nongbylla la pynkit mar-mar sha hospital hashuwa ban poi ka kynhun ai jingïarap hynrei une u briew u la khlad noh namar ka jingmynsaw jur.
Sa uwei pat u nongbylla u dang shah tep hapoh ka khyndew bad ïa une ruh la pynthikna ba u la ïap.
