Lano keiñ ngin ioh jingithuh ïa ka ktien Khasi bad ka I. L. P. ? Ban ioh ïa ka I. L. P. bad ka ktien Khasi kam dei kaba suk. Namar ka sorkar kaba synshar ha Delhi ka dei ka N. D. A. kaba ïalam ka B. J. P. Lada ki paidbah ka ri jong ngi ki ai jingkyrshan ïa ka B. J. P. hangne ha Jylla Meghalaya, ka I. L. P. bad ka ktien Khasi ngi lah ban ioh ïa ka jingdawa jong ngi.
Namar dei tang ka sorkar kaba bat ïa ka bor ha Delhi kaba lah ban ai bad pynioh ki jingdawa jong ngi. Ka liang pyrshah kam lah ban ai kine bad kino kino ki kam pynroi pynpar kumba lah ka liang synshar. Hangne ha Jylla jong ngi pat ngim jied ïa ka B. J. P. kaba lah ban ai, te kumno keiñ ngi khmih lynti ban ioh ïa kita ki jingdawa jong ngi. Haba ka bor ban ai dei tang ka sorkar kaba synshar ha Delhi. Paidbah lada ngi kwah ban ioh jingmyntoi shibun ha ki kam pynroi ngi dei ban nangbha ban jied bad dei ban da pyrkhat sani ïa kane ka party ngi dei ban jied ïa u nongmihkhmat u ban mih khmat ïa ka Jylla jong ngi. Ngi jied ïa ki party rit shano kin lah ban pynioh kine ki jingdawa jong ngi.
Ha Lok Sabha ki M. P. jong ngi ki kren ba ngi kwah ban ioh I. L. P. bad ïa ka ktien Khasi, hynrei kim lah ban pynkohnguh ïa ki M. P. ba bun paid jong ka liang synshar ban ai ïa kita ki jingdawa jong ngi, wat lada ki long kiba shongñia shongaiñ ruh kiba lah ban ai jingïada ïa ki paidbah ka Jylla jong ngi.
Dei tang ka sorkar Kmie na Delhi kaba lah ban ai bad pynioh ïa kine ki jingdawa. Ka sorkar Jylla ruh kam lah ban ai khlem ka jingmynjur ka sorkar ha Delhi. Kane ka long ka jingiohi jong nga haba ïa dei bad ka jingbym ioh I. L. P bad ka ktien Khasi.
C. B. Iawphniaw
