Shillong, Naiwieng 21
Ka Deputy Commi-ssioner jong ka East Khasi Hills ka Kong R M Kurbah ha ka janmiet jong ka 20 tarik u Naiwieng 2025, ka la ïoh ban plie paidbah noh ïa ki jingshna pynitynnad ïa kaba la tip ka Locality Beautification and Enhancement Competi-tion hapoh ka shnong Umpling dong shaneng.
Ïa kane ka jingshna pynitynnad ka dei lyngba ka skhim ba ka Sorkar Meghalaya ka la ai sha ki Dorbar Shnong lyngba ka tnad Tourism bad Urban Affairs.
Kane ka skhim kan long ruh kum shibynta ban ai mynsiem ïa ki shnong ban pynitynnad khamtam ïa ka jingkhuid jingsuba.
Ha kane ka sngi la thung ruh ïa ki dieng da ka kongsan ka Kong RM Kurbah, IAS, Deputy Commissioner East Khasi Hills, u MCS, ADC ka East Khasi Hills u Bah Peter T Passah bad u Rangbah Shnong Umpling u Bah S.F Pyngrope. Ha kane ka sngi la sakhi lang da ki nongkitkam shnong, ki nongshong shnong bad kiwei-kiwei.
Ha ka jingïalang la ïoh ïa ka jingkren na ki nongkitkam shnong ha kaba ïadei bad ka jingïaid lynti ha kaban shna ïa kane ka jingpynitynnad.
Haba ai jingkren ha kane ka jingïalang ka Kong Kurbah ka la pynpaw ka jingsngewkmen ba ki dang buh ïa ki knup, ki kriah ban buddien ïa ka jingkordor kaba la buh da ki longshuwa manshuwa namar ki khynnah mynta bun kim tip shuh.
Ka la ai ka jingïaroh ïa ka shnong Umpling kaba la lah ban plie paidbah noh ïa kane ka jingpynitynnad ïa ka shnong ka thaw, ka ban pynitynnad bad ruh ha kaba ïa dei bad ka khuid ka suba bad kan ai nuksa ïa kiwei pat ki shnong kiba marjan ban bud nuksa.
