Shillong, Naiwieng 21
Hadien ba la kut noh ka samoi ïakhun ha ka lympung Ranji Trophy, ka kynhun ïalehkai kriket na ka Jylla kan phaikhmat pat mynta ban pynkhreh ba kan aireng pat sa ha ka lympung ïalehkai jong ka Syed Mushtaq Ali Trophy 2025-26.
Kane ka lympung ïalehkai kan sdang naduh ka 26 tarik mynta u bnai bad kut ha ka 6 tarik u bnai Nohprah u ban wan ha kiba bun tylli ki madan ne ki jaka ba don ha Sorbah Pune.
Ha kane ka kynti kaba mynta, la sngewthuh ba ki nongïalehkai kiban mihkhmat ïa ka Jylla sha kane ka lympung kham bun na ki, kin dei ki samla ïalehkai na kane ka Jylla, ha kaba khlem shym la kynthup ne ban pynrung satia ïa ki nongïalehkai kiba na shabar ne wat ïa ki guest player.
Tangba ka jingjied ïa ki player baroh ka shong na ka jinglah ban paw ne ban ïalehkai bha na ka lympung ïalehkai ba dang shu dep ka Ranji Trophy bad bynrap lang ruh bad ki player kiba la dep ban don bynta sha ka prokram jingpyn-khreh kaba la long ha Jagiroad, Assam.
Ha kane ka kynti kaba mynta, ka Meghalaya kan sdang ba kan ïakhun pyrshah nyngkong ïa ka Sikkim ha ka 26 tarik mynta u bnai bad kiwei pat ki kynhun ba la pynïakap lang ha kane ka juh ka thup ki long ka Arunachal Pradesh, Mizoram, Manipur bad Nagaland.
Ka kynhun kan mih na kane ka Jylla sha Pune ha ka 23 tarik mynta u bnai. Ki kyrteng ki player: Kishan Lyngdoh, Arpit Bhate-wara, Akash Choudhary (C), Abhishek Gupta, Kush Agarwal, Lerry G Sangma (VC), Aaron Nongrum, Rohit Shah, Sengsrang K Sangma, Swastic Chettri, Badon-nam J Mylliemngap, Ram Gurung, Swarajeet Das, Himan C Phukan, Agreas Chamcham Sangma.
Standbys: Dippu Sangma, Jaskirat Singh Sachdeva, Anish Charak, Riboklang Hynñiewta, Arien Bonchang Sangma
Support staff: Moisten Ch Marak (head coach), Pyntngen Mark A Swer (assistant coach), Surojit Biswas (physio), Vikash Singh Chauhan (trainer), Banteibor Lyngdoh (manager).
