Amlarem, Naiwieng 21
U Myntri ka Sorkar Jylla bad MLA ka Amlarem, Bah Lahkmen Rymbui ha ka 21 tarik Naiwieng u la leit jurip ïa ka jaka ba thmu ban tei ïa ka Mini Secretariat.
Kane ka jaka ba thmu ban tei ïa ka Mini Secretariat ka don mar pyrshah bad ka ophis SDO Amlarem.
Ha kane ka jinghiar jurip la donlang ki ophisar, ki Engineer ka tnad PWD Building, ki ‘riew rangbah ka thaiñ nalor kiwei-kiwei.
Lah ban kdew ba u Myntri Rangbah ka Jylla, u Conrad K. Sangma haba wan plie ïa ka jingrakhe Jubili Ksiar ka Amlarem Civil Sub-Division, u la pynbna ban wanrah da ka Mini Secretariat ha Amlarem na ka bynta ban kyntiew ïa ka jingtreikam ha ka liang ka synshar-khadar bad ban pynsted ïa ki kam pynroi ha ka thaiñ.
