Shillong, Naiwieng 21
Ka Frank Yamaha, kawei na ki kompeni die ar shaka ha ka Jylla Meghalaya, ka la pynpaw ïa ka jingsngew sarong ban pyllait paidbah ïa ka ‘bike’ ba thymmai kaba la tip kyrteng ka ‘Yamaha XSR’.
Ïa kane ka ‘bike’ ba thymmai ‘Yamaha XSR’ la pyllait paidbah ha phyllaw ka State Central Library, Shillong, ha ka jingïadonlang ki trai, ki nongtrei ka Frank Yamaha, ki paidbah bad ki nongshah khot sngewbha ruh kumjuh.
Ka Yamaha XSR ka dei kaba la pynshong nongrim na ka rukom shna dur jong ki nong Japan, kaba mut “Pule ïa kaba rim ban nang kham bha ïa kaba thymmai.” Hooid ha kane ka jingmut, ka XSR ka pynïasoh lang ïa ka jingitynnad ba rim jong ki thuk-thuk jong ka Yamaha bad ka juk stad ba mynta, bad ka jingtreikam ba kham bha – kaba thaw ïa ka kyrdan ba ka Yamaha ka khot ‘Retro Sport.’
Ka XSR ka pyndap sa kawei pat ka lynnong kaba sngewtynnad ïa ka jinglong ba khlaiñ jong ka Yamaha ha India.
Ha kane ka prokram ba la pynlong ha phyllaw State Central Library, la pyni ruh ïa ki khana kiba ai mynsiem na ki nongñiah Yamaha, kiba la ïasam ïa ki jingïaid lynti shimet jong ki bad kane ka ‘brand’. Ka jingieit jong ki ka pynpaw ïa ka jingïadei kaba jylliew kaba ka Yamaha ka la tei ha ki pateng.
Kum ka dak ban sngewnguh ïa ka jingnoh synñiang jong ki sha ka imlang sahlang bad ban kyntiew ïa ka jingñiah kali kaba don ka jingkitkhlieh, ka Frank Yamaha ka la pynbna ban kyrshan T.10 hajar na ka bynta kawei pa kawei ka kynhun ki nongñiah kali kiba don ha kane ka jingïalang. Kane ka jingthmu ka pynskhem ïa ka jingangnud jong ka Frank Yamaha ban kyrshan ïa ki jingpyrshang ha ka imlang ka sahlang.
Ka jingïalang kaba kyrpang ha kane ka janmiet ha ka jingdon jong u RJ Zack, uba shlur bad ka jingïashim bynta jong u, ka la pynkiew ïa ka jinglong bad pynïasoh ïa ki nongpeitkai.
Ka Frank Yamaha ka la ai khublei ruh ïa ka jingaiti jong ki kynhun die, jingshakri, bad jingkyrshan jong ka, kiba ka jingaiti jong ki, ka dang ïai bteng ban pynlong ïa ka jingroi jong ka ‘brand’ ha kylleng ki 12 tylli ki jaka pyni jong ka ha Meghalaya, kaba shakri ïa palat 40,000 ngut ki nongthied.
U Bah Indonlang Passah haba kren ha kane ka sngi u la ong “Ka Yamaha XSR ka pynpaw ïa ka jingïatylli kaba paka jong ka pateng bad ka jingpynwandur thymmai”.
“Ngi sngew sarong ban wanrah ïa kane ka model sha Meghalaya bad ngi sngewnguh ïa baroh ki nongwan, ki kynhun nongñiah kali, ki paralok, bad ki nongthied kiba pynlong ïa ka Frank Yamaha kaba khlaiñ man la ka sngi,” u la ong.
Nalor kata, u la khot sngewbha ïa ki nongwan ban mad ïa ka XSR bad ban tip kham bniah shaphang ki jinglong jong ka bad ka rukom shna dur.
Da ka jingpynmih ïa ka XSR ba thymmai, ka Frank Yamaha ka dang ïai bteng ban ïakhun ïa ka jingthmu jong ka Yamaha ban nang pynbha, ban itynnad, bad ban ai ka jingbha tam sha ki paidbah jong ka Jylla Meghalaya.
