Jowai, Naiwieng 24
Ka Demthring kala khur jingjop ha ka jingïalehkai Super Division Football Tournament-17th Kiang Nangbah Memorial Trophy ba la pynïaid da ka West Jaintia District Sports Association (WJDSA).
Kane kala wan hadien ba ka Demthring kala pynliem ïa ka 7 Wasa United da 1-0 kol haka jingïalehkai kaba la long ha madan Kiang Nangbah Stadium, Jowai ha ka 24 tarik Naiwieng.
Ïa kane ka shikol jong ka Demthring la thep da u Civility Khongmalai ha ka minit kaba 82.
Ha ka 25 tarik Naiwieng ka jingïalehkai kan long hapdeng ka Youth & Cultural Sohmynting bad Chutwakhu haka por 2.00 baje nohphai sngi.
