Baroh ki niam bad ki jaitbynriew ki kwah ban pynneh pynsah ïa ka dustur ka riti lajong kumba u longshuwa manshuwa u la buh. Ka seng Khasi bad ka jaitbynriew ki kwah ban pynneh ïa ka ai jait sha ka kmie. Kumjuh kano kano ka jaitbynriew ruh ki kwah pynneh pynsah ïa ka dustur ka riti ba u Blei u la ai ïa ka jaitbynriew jong ki.
Kum ka nuksa ka jaitbynriew Jew bad ka niam khristan ki ai jait sha u kpa ne shynrang. Kine ki long ba u Blei ula bynta ha la ka jong ka jong ka rukom ngeit niam ban bud dustur riti. Te hangno ha ri Khasi ka seng Khasi ka pynskhem ïa ka ai jait sha ka kmie, katkum ka dustur ka riti ba la buh u barim.
Te ka jingkylli ïa ngi ki Khasi – Khristan, hato ngin dang bud ïa ka ai jait sha ka kmie ne ngin ai jait noh sha u kpa kumba ka niam ka hikai. Ne ngi shu bud niam tang pyndep rukom. Haba ngi bud ïa ka niam kaba ai jait sha u kpa, ka dei keiñ ïa ngi ki Khasi Khristan ban ai jait noh sha u kpa. Kane ka long tang ka jingkylli namar ka rukom ngeit niam jong ngi ka long mar 50 – 50. Ka mut ngim ngeit hok ïa ka jinghikai ka niam bad kumjuh ngim ngeit hok ïa ka jinghikai ka dustur ka riti ruh. Namar ym don ba kwah ban pynduh noh ïa ka dustur ka riti la ka sniew ne ka bha ruh.
C. B. Iawphniaw
