Shillong, Naiwieng 24
Ki pulit ha ka janmiet jong ka 24 tarik u Naiwieng 2025, ki la khanglut ïa ki kali kiba ïaid ba ïeng hajan ka SBI Main Branch, Shillong Khyndailad hadien ba la lap ïa kawei ka pla rong ïong, ba la buh hakhmat katei ka bank ba la suba Ka jingkhang ki pulit ïa ki paidbah kiba ïaid lynti hajan jong katei ka bank, khnang ba kan nym jia kano-kano ka jingmynsaw.
Katei ka pla rong ïong kaba don ha khmat ka SBI, ka la pynher syrngiew lut ïa ki paidbah kiba ïaid ba ïeng bad ïa ki nongtrei hajan ruh kumjuh.
La sakhi ruh ba ki paidbah ki la ïa ïengkhrui ha katei ka jaka, namar ba ki pulit kim pat shah ïa ki ban ïaid lyngba katei ka jaka ba don ka pla suba don bomb ba ïoh kan mynsaw.
Ki pulit ki la ïengslem ha ka tei ka surok ban peitbniah bha ïa katei ka pla rongïong ha khmat katei ka bank, ba ïoh lehse ka dei ka pla ba don ïa u bomb.
Hadien kumba katto-kattne por eiei, ha ka jingpeit bniah jong ki bor pulit bad na ka liang ki nongpeit bniah ïa u bomb, ki la lap ba katei ka pla ka dei ba la ieh da ki briew bad kham shiphang hi ki pulit ki la shah noh ïa ki paidbah bad ki kali ban ïaid lyngba katei ka surok.
