Kabul, Naiwieng:
Ha ka jingleit jurip ba kyrpang sha New Delhi, u Myntri ka tnat khaïi- pateng jong ka Afghanistan, u Alhaj Nooruddin Azizi, u la wer ia ka India ban pynïar ïa ka khaïi- pateng, ka jingbei tyngka bad ka jingïadei kaba kham jan shuh-shuh hapdeng kine ki arliang mamla, hadien ba ki jingïakynad jong ka Afghanistan bad ka Pakistan ki la wanrah ïa ka jingsangeh ba shipor ha ka liang ka khaïi- pateng bad ka jingïapher jingmut kaba la ktah jur ia ka jingiadei hapdeng kine ki ar tylli ki ri.
Haba iakren bad u Aditya Raj Kaul, u nongthoh khubor jong ka NDTV ha ka jingleit jngoh ba nyngkong jong u sha India, u Azizi u la ong ba ka Afghanistan ka long ba la kloi ban iatreilang ha ka liang ka khaïi- ka pateng bad ka India bad ka long kaba la pynkhreh ban ai ia ka jingshngaiñ kaba pura ia ki nongmihkhmat jong ka India ha Afghanistan.
Kane ka jingwan jngoh jong u Azizi ka long tang katto- katne taiew hadien ba u Myntri kam bar ri jong ka Afghanistan, u Aamir Khan Muttaqi u la leit sha Delhi – ka jingïakynduh ba ha khlieh duh ba nyngkong jong ki Taliban ha India naduh u snem 2021 – kaba pyni ïa ka jingpyrshang ba thymmai jong ka Kabul ban pynbeit ïa ka jingïadei bad ka New Delhi. Ka jinglong jingman ha ka kam khaii pateng ka long kaba jylliew: tang ha u bnai ba la dep, ki jingïakynad ha khappud Pakistan bad Afghanistan ki la pynmih ïa ka jingïakynad kaba thymmai, kaba la pynsangeh ïa ka khaii pateng bad kaba la pynlong ïa ki hajar tylli ki trok ban sahkut. Naduh katei ka por, ka Afghanistan, ka la bthah ia ki nongkhaii, ba kin pynsangeh noh ia ka jingwanrah ia ki dawai na Pakistan, na ka bynta lai bnai, katei ka jingleh, kaba U Azizi, ka la batai ba ka long “shipor”, bad bynrap, ba ka Kabul, ka buh hakhmat eh ia ki paralok, kiba ai ia ki mar kiba bha bad ki kyndon kiba kham bha.
Wat hapdeng ka jingkulmar ha ka thaiñ, u Azizi u la pynmih ïa ka sur kaba sngewtynnad halor ka jingïatreilang ha ka liang ka ioh ka kot hapdeng ka India bad ka Afghanistan. U la kdew ba ka khaii pateng hapdeng ki ar ri mynta ka ieng tang haduh $1 billion, ka jingkhein kaba u la ong ba ka long kaba “duna bha ia ka jinglah”. Ka jingleit jong u sha India, u la pynksan, ka long ban “wad ia ki lad ki lynti kiba thymmai na ka bynta ka khaii pateng” bad ban pynthikna ba ka jingiateh kaba thymmai “kan ai, lada U Blei, ki lad ki lynti ban weng ia ki jingeh baroh.”
