Shillong, Naiwieng 25
U Myntri ki kam ïalehkai ka Sorkar Pdeng, u Mansukh Mandaviya u la ïathuh ba ka Sorkar ka la leh bun kiei kiei ban pynkhlaiñ ïa ka kam ïalehkai ha ka ri hapoh ka jingïalam lynti u Myntri Rangbah Duh Narendra Modi. Ïa kane u Myntri u la ong ha ka jingïalang plie ia ka fifth Khelo India University Games ha Sawai Man Singh Stadium, Jaipur, myn ha ka Sngi Nyngkong janmiet.
U Myntri myn ha ka 24 tarik mynta u bnai u la ong ba ka India ka la nang ïai kiew ha ka jingïohi ban long kawei na ki ri kaba la kiew bad ka la pynkhreh mynta ban pynlong ïa ka lympung ïalehkai Olympic ha u 2036.
“Ki lympung ïalehkai kum ka Khelo India School Games, Youth Games bad University Games kiba long ki lympung ban ithuh ïa ki rangïalehkai ba don sap na kylleng ka ri, ïa kiba la jied bad ai jingtbit shuh shuh ha ki jaka ai jinghikai kiba kham kynsai ha ka ri,” u la ong.
U Myntri Rangbah ka Rajasthan, u Bhajanlal Sharma, u la ong ba ïa ka University Games la pynlong ha ki hynñiew tylli ki bynta ha kylleng ka Rajasthan bad ka la khring ïa kiba bun ngut ki samla don sap na kylleng ka ri India. U la ong ba kane ka lympung ka dei tang ka jingïakhun hynrei ka dei pat ka jingplie lad plie lynti ïa u samla ïalehkai ban angnud sha ki lympung ba kham heh, kynthup ïa ka Olympics.
