Shillong, Naiwieng 25
Ka kynhun jied nongïa-lehkai Under-16 ki shynrang jong ka Meghalaya Cricket Association ka la sei ïa ka kynhun ïalehkai ba 15 ngut, ki ban khreh na ka bynta ban mihkhmat ïa ka Jylla sha ka Vijay Merchant Trophy na ka bynta ka samoi ïalehkai 2025-26, ka ban long naduh ka 7 tarik u Nohprah ha Gujarat.
Ha kane ka kynti, ka MCA ka la ïoh pdiang ruh ïa ki artylli ki prokram ïalehkai jong ka, ha kaba ka jingïalehkai ba nyngkong kan dei pyrshah ïa ka Sikkim ka ban long naduh ka 7-9 tarik u Nohprah, ka jingïakhun kaba ar kan dei pyrshah ïa ka Jammu & Kashmir, ka ban sdang naduh ka 12-14 u Nohprah.
Ka jingpynkhreh ïa kane ka kynhun kan sdang naduh ka 27 tarik mynta u bnai haduh ka 3 tarik u Nohprah ha madan ïalehkai ka RBDCA, Pahamsning, Nongkhrah.
Ki kyrteng ki nongïa-lehkai ki long u Arav Baraily, Doankam Ch Marak, Naitik Singhania, Suraj Chettri, Gautam Paul, Krishiv Choudhary, Ishan Saha, Rooney L Nonglait, Aniket Poddar, Manbhalang Marshillong, Daniel Maring, Pyn-skhemlang Nongsiej, Raian N Marak, Abhijit Chanda bad u Anish Kedia. Katba ki kiwei pat kiba la pynap lypa ki long u Pynshngaiñ -lang Marweiñ, Prantik Ghosh , Aryaveer Prasad, Pynkhraw Jomati bad u Samelawan Nongkseh.
Ki nongïarap jong ka kynhun ki long u Sengam G Momin (Head Coach), N Shanker Newar (Asst. Coach), Karma A Sangma (Phyiso), Gregory Sohtun (Trainer) & Wallambok Marngar (Manager).
