Bengaluru, Naiwieng:
Ki nongrep riewhadem ha Navalgund ha ka lah sngi U Blei ki la weng noh ïa ka jingïakhih shah thngan jong ki da kaba dawa ban plie noh mardor ïa ki jaka thied mar rep jong ki hadien ba ka bor synshar distrik bad u MLA ka thaiñ u NH Konaraddi ki la pynsngewthuh ïa ki ba yn shim ïa ki sienjam kiba biang khlem da pynslem shuh.
U Konaraddi u la ong ba u Myntri Rangbah ka jylla u Siddaramaiah ha ka sngi U Blei u la pynthikna ba ka sorkar jylla ka long kaba kut jingmut ban thied ïa ki mar rep jong ki nongrep khlem da kheiñ ïa ka jingbit jong ka sorkar pdeng. U la pynshong nongrim ïa ka jingpynslem ban plie ïa ki jaka thied marbam namar ki daw kiba mih na ki rukom treikam kiba mynta.
Ka DC ka Dharwad ka Divya Prabhu ka la ong ba u Chief Secretary ka Shalani Rajneesh bad kiwei kiwei ki heh sorkar kiba ïadei kam ki tip ïa ka jingeh jong ki nongrep. “Yn sa weng ïa ki jingeh ha ka por kaba biang.,” ka la ong.
