Kyiv, Naiwieng:
U President ka Ukraine, u Volodymyr Zelensky, ha ka Sngi Ba-ar u la pynpaw ïa ka jingkloi jong ka Ukraine ban pdiang sngewbha ïa ki jingpyniaid bad jingtyrwa jong ka US, haba ïadei bad ka jingsangeh thma bad ka jingïasuk noh bad ka Russia. Kane ka long hashwa ban kut noh ka jingthmu bad jingpynbeit ba nyngkong eh jong ka US haba ïadei bad katei ka jingsangeh ïa ka thma kaba ka Russia ka la iai bteng ha kine ki 4 snem. Kumta, la ong ba da ka jingai jingkyrshan jong ka Ukraine, ka US kan sa lah ban bteng ïa ka jingpynbeit naduh ki kot- ki sla ban ïasoi hapdeng ka Ukraine bad ka Russia, khnang ba yn lah pat ban pyniaid shakhmat ïa ki kam ki jam baroh ha ka rukom kaba dei.
La ong ba ka US ka dang pyniaid ïa ka jingïakren bad ki heh ka Russia hapoh Abu Dhabi ha ka Sngi Ba-ar. Ha ka step Sngi Ba-ar, u Zelensky u la ïathuh ïa ki paralok jong ka Ukraine, ba ka Ukraine ka long ba la pynkhreh bad ka long kloi ban ïatrei lang bad ka US haba ïadei bad katei ka jingthmu sangeh thma ba la pynbeit bad pyniaid da ka US.
