Shillong, Naiwieng 26
Ka Sorkar Jylla lyngba ka tnad ka kit ka bah ka la weng ïa u Bah Wanshuwa Nongtdu kum u Deputy Chairman jong ka Board of Meghalaya Transport Corporation.
Kane ka jingpynbna la pynmih ha ka 18 tarik mynta u bnai Naiwieng 2025 ba la soi da u Sanjay Goyal, IAS uba dei u Commissioner and Secretary jong ka Sorkar Jylla.
Kane ka jingweng ka Sorkar ka dei ba u Bah Wanshuwa u long kum u nongaiktien ka Meghalaya Commercial Truck Owners and Drivers Association kaba dang shu dep ka jingïakhih ban dawa ïa ka bai kit dewbilat na ki kompeni.
Haba ïoh ban ïakren bad u Bah Moslander Marngar uba dei u Chairman ka MCTODA u la ong ba ka jingshah sloit ïa ka kam Deputy Chairman jong u Bah Wanshuwa, ka pyni ïa ka jingkhlaiñ bor ki kompeni pynmih dewbilat.
U la ong ba ka seng ka pynrem jur ïa ka Sorkar namar wat ki Myntri Sorkar ruh kiba don bynta ban ïakhih ïa ki kompeni kin shah weng ïa ka kam jong ki.
U la ïathuh ba u Bah Wanshuwa u khlem sngewsih haba u la shah weng ïa ka kam ba u bat hynrei u ïaid beit shakhmat namar um kwah ban ieh shiteng por ïa ki paidbah.
