Shillong, Naiwieng 27
U Bah Process T Sawkmie, MLA barim ka Mawlai ha ka sngi Palei ka 27 tarik u Naiwieng u la ther tyngeh ïa ka Shillong Municipal Board, da kaba ong ba lada ki longkmie Khasi kim lah ban die ne tyrwa sha, kot khubor, soh, shana bad kiwei ki jingdie ha ri la jong, shano pat kin leit die.
U la pynpaw ïa kane, hadien ba u la ïohi ïa ka jingleh jong kane ka tnad treikam ba ki la khanglad ïa ki longkmie longkpa kiba ïaid tyrwa die sha ha ki thaiñ Khyndai Lad.
Kumta haba ïadei bad kane, u Bah Process u la pynpaw ïa ka jingsngewkhia kaba jur bad pynrem ruh ïa kane ka jingleh ka Shillong Municipal Board.
Ha kajuh ka por u la buh jingkylli, hato ïa kane la leh tang da ki ophisar ne na ki bor bahalor kiba dei khmih ïa ka Shillong Municipal Board ne na ka Sorkar.
