Shillong, Naiwieng 27
Ka All Meghalaya Kickboxing Association (AMKA) ka la sei haduh 126 ngut ki nongïalehkai ki ban leit shim bynta ha ka 29th Senior, 28th Junior & Sub-Junior National Kickboxing Championship 2025 ka ban sdang naduh 4 haduh 7 tarik u Nohprah ha Bhubaneshwar, Orissa.
Kine ki kynthup ïa 55 ngut ki shynrang bad 71 ngut ki kynthei nalor ki khynnah kiba dangrit.
Kat kum ka jingpynpaw da ki nongïalam katei ka synjuk, la ong ba kine ki khynnah baroh kiba la shah jied ki dei kiba la ïoh jingshah hikai na ka shlem aijinghikai jong ka AMKA bad ruh kiba la lah ban ïalehkai bha ha ka State Level Kickboxing Championship 2025 kaba la kut dangshen.
Te kumta kane ka kynhun kan mih na ka nongbah ha ka 2 tarik u Nohprah, ha kaba ka la khmih lynti ban ïalehkai bha na ka bynta ban wanphai sha la ïing ryngkat ki takma ïa ka Jylla.
