Khliehriat, Naiwieng 28
Ka ïingkashari Special Judge (POCSO), East Jaiñtia Hills, Kong B. Khriam ka la hukum ban set patok haduh 25 snem ïa uwei u runar uba kyrteng u Leiki Rymbai namar ka jingdonkti ha kaba leh be-i-jot ïa kawei ka khynnah rit.
Une u runar uba la shah rai pynrem hapoh ka kyndon 6(1) jong ka POCSO Act un hap ruh ban siew ruh ïa ka kuna kaba long T.1,00,000.
Ïa kane ka mukotduma la pynngat ha Khliehriat Women Police Station ha u snem 2023, bad ba la tohkit da ka WPSI J.M. Kurbah.
Une u runar u la shah rai pynrem ruh da kaba shah set patok shi snem ha ryngkat ka kuna kaba long T.5,000.
