Shillong, Naiwieng 28
Ka ïingbishar Meghalaya High Court kala bthah ïa ka Sorkar Jylla ba kan pynneh shuwa kumba ka long haba ïadei bad ka jingthmu ban pynpra noh ïa ka Circuit House ka Jylla.
Ïa kane ka hukum la pynmih haba bishar ïa ka PIL bala mudui da Registrar ka ïingbishar halor ka nongrim ba ka dei kaba don ïa ka khana pateng bad ka jingpynkylla ïa kane ka nongkynti sha ka Circuit House ka Jylla.
“Ïa kane ka kam yn sa buh hashuwa ka PIL Bench jong u Chief Justice. Dei ban pynneh shuwa kumba ka long ïa kane ka nongkynti tad haduh ka sngi shong bishar ban wan,” ong ka ïingbishar ba kynthup ïa u Justice HS Thangkhiew bad Justice B Bhattacharjee ha ka hukum ba pynmih ha ka sngi Palei (27 Naiwieng).
“Ngi la ai ïa ka affidavit ba lyngkot bad ïa ka affidavit ba kham bniah yn sa ai hadien ba shong bishar ïa ki kot ki sla kiba don jingïadei bad ka nongkynti,” ong u Advocate General A Kumar.
U Amicus Curiae S Chakrawarty u la pyntip ba un sa ai ïa ka affidavit hadien ba ïoh pdiang ïa ka affidavit ba bniah na ka Sorkar.
