New Delhi, Naiwieng:
Ka kynhun Enforcement Directorate (ED) ha ka sngi Palei ka la pynlong ïa ka jingkhynra ha ki 15 tylli ki jaka ha kylleng ki 10 tylli ki jylla ha kaba ïadei bad ka jingkynnoh bamsap kaba la donkti ha ki Medical College bad ki heh sorkar. Kitei ki jingkhynra, ki long ha Andhra Pradesh, Telangana, Maharashtra, Madhya Pradesh, Chhattisgarh, Gujarat, Rajasthan, Bihar, Uttar Pradesh, bad Delhi.
Katkum ka tyllong khubor ba la ïohlum, la ïathuh ba kitei ki jingtalasi ki don jingïadei bad ka FIR kaba la thoh ha ka 30 tarik u Jylliew, 2025, kaba la mudui da ka kynhun Central Bureau of Investigation (CBI).
Ka ejahar ka kynnoh ba la ai bai lutksan sha ki heh sorkar, kynthup ïa kito kiba dei na ka National Medical Commission (NMC), kum ka jingsiew kylliang ïa ki jingtip ba rieh ha kaba ïadei bad ki jingleit jurip ïa ki Medical Colleges.
Ka jingtohkit ka kynnoh ba ïa ki jingtip ba rieh jong ka jingpeit bniah la pynpaw sha ki nongpynïaid ba kongsan jong ki Medical Colleges bad sha ki nongpynïaid ba kham halor.
La ïathuh ba kane ka jingtip ka la pynlah ïa ki nongshah kynnoh ban pyndonkam bakla ïa ki kyndon jong ka jingpeit bniah bad hadien kata ban ïoh jingmynjur ban pynïaid ïa ki jinghikai pule ha ki Medical Colleges ba shah ktah.
Ka skhim ba la kynnoh ka pynpaw ïa ki jingduna ha ka rukom ai jingmynjur sha ki jaka pule, kaba pynmih ïa ka jingsngewkhia shaphang ka jinglong hok jong ka jingpeit bniah jong ki bor pynïaid bad ka jingktah kaba lah ban mih na ka jinglong jingman jong ka jingpule ha ka liang ka koit ka khiah ha ka ri.
Ka jingwad bniah ka kynthup ïa hynñiew tylli ki jaka kiba ïadei bad ki Medical College kiba don ha ki jylla bapher bapher.
Nalor kata, ki jingkhynra ki dang pynlong ha ki jaka jong ki katto katne ki riew shimet kiba la jer kyrteng kum ki nongshah kynnoh ha ka ejahar jong ka CBI.
Ki heh sorkar ki la pynpaw ba kine ki riew shimet ki la don ka bynta kaba kongsan ban pynsuk ïa ki kam khaïi pateng ba la kynnoh ba ki ai pisa tuh.
Ka jingheh jong ki jingwad bniah ka pyni ïa ka jinglong ba la saphriang jong ka kynhun ba la kynnoh, ha kaba ki bor synshar ki thmu ïa ki mar ki mata jong ki tnat treikam bad ki mar ki mata shimet ha ka jingpyrshang ban sei madan ïa ka jingheh ba pura jong ka jingtreikam.
Ka jingleh jong ka kynhun ED ka dei shi bynta jong ka jingpynkhreh kaba kham heh ïa ka bamsap ha ka liang ka pule puthi ha ka liang ka koit ka khiah, hadien ba ki la ïoh jingtip ba bniah na ka jingtohkit jong ka CBI kaba dang ïaid shakhmat.
Ki bor synshar ki pynleit jingmut ha kaba sei madan ïa ka jingtuid jong ka pisa be-aiñ bad ban ithuh ïa ka jingheh ba pura jong ka jingïadei kaba la kynnoh ba ka donkti ïa ki nongpynïaid kolej bad ki heh sorkar.
Ka Enforcement Directorate (ED) ha ka sngi Paleit ka la pynlong ïa ka jingkhynra ha ki 15 tylli ki jaka ha kylleng ki 10 tylli ki jylla ha kaba ïadei bad ka jingkynnoh bamsap kaba la donkti ha ki Medical College bad ki heh sorkar.
Kitei ki jingkhynra, ki long ha Andhra Pradesh, Telangana, Maharashtra, Madhya Pradesh, Chhattisgarh, Gujarat, Rajasthan, Bihar, Uttar Pradesh, bad Delhi.
