Amlarem, Naiwieng 28
Ka lympung ïalehkai Super Division Football League 2025-26, kaba la pynlong da ka Amlarem Sub-Divisional Sports Association, ka la sdang ha ka 27 tarik Naiwieng ha madan ïalehkai Jarain hapdeng ka Amlarem Social Club bad ka Y.C Pdengkarong.
Ha ka jingïalehkai ka Amlarem Social Club kala pynliem ïa ka Y.C Pdengkarong da 2-1 kol.
Haba phai sha ka jingïalehkai ka Y.C Pdengkarong ka la lamkhmat ban thep kol nyngkong ha ka minit kaba 2 ba la thep da u Khambit Langshiang, katba ka Amlarem Social Club kala lah ban pynphai bad pyntam da 2 kol ha ka minit 20 ba la thep da u Chantremiki Surong bad minit 42 ba la thep da u Wankibha Pohthmi.
