Jowai, Naiwieng 28
Ka lympung ïalehkai Super Division Football Tournament-17th Kiang Nangbah Memorial Trophy bala pynïaid da ka West Jaintia District Sports Association (WJDSA) ka la ïaid shaid-shaid ha madan Kiang Nangbah Stadium, Jowai.
Ha ka jingïalehkai kaba la long haka 28 tarik Naiwieng ka Ladthadlaboh ka la pynliem ïa ka Chutwakhu da 3-0 kol.
Ïa ki kol jong ka Ladthadlaboh la thep da u Bani-iman Passah ha ka minit 7 & 41 bad Andrew Nanghuloo ha ka minit 15.
Ha ka 29 tarik Naiwieng ka jingïalehkai kan long hapdeng ka Thadmuthlong Mooknor bad 7 Wasa United ha ka por 2.00 baje nohphai sngi.
