Shillong, Naiwieng 30
U Myntri Rangbah ka Jylla, u Conrad K. Sangma uba dei u MLA ka South Tura Konstitwensi u la pynlong ïa ka ‘MLA Connect’ bad ki paidbah nongshong shnong jong ka shnong Walbakgre bad Fancy Valley.
Haba kren sha ki paidbah shuwa ka jingïakren bad ki, u Sangma, u la ong ba ka jingpynïasoh bad ki paidbah ka long kaba donkam namar ka dei ka nongrim jong ka jingmihkhmat kaba treikam.
U la ong ruh ba kum kine ki jingïadei ki ai bor ïa ki nongshong shnong da kaba ai sha ki ïa ka sur na ka bynta ki jingdonkam jong ki shnong ki thaw jong ki da kaba pynshlur ïa ka jingïashim bynta ha ka synshar paidbah, ha kajuh ka por, ban pynroi ïa ka jingsngew trai bad ka jingkitkhlieh.
“Kum kine ki sienjam ki ïarap ban wanrah ïa ka jingïashim bynta ba kynthup lang jong ki paidbah, kaba shimkhia bad kaba treikam – kaba donkam ruh na ka bynta ka jingsynshar kaba paka”, u la ong.
Na ka liang ki nongshong shnong ki la pynsngew ïa ki jingeh kiba ktah beit ïa ki shnong ki thaw khamtam kito kiba ïadei bad ka jingpynbeit jaka, ki bording ha ki surok, ki CCTV, ki surok, ki paiñkhana paidbah, ka jinglum bad jingbret ïa ki jaboh-jabaiñ, ka jingbym biang ka um bad kiwei-kiwei.
